Triek jou Triggers

• Is daar sekere mense/omstandighede wat jou gereeld trigger, oor en oor. En jy weet nie wat om te doen met dit nie?… Dis ‘n trigger.
• Is daar sekere emosies (en dit word gereeld getrigger) waarvan jy net wil wegkom? Jy voel magteloos daarteen?… Dis ‘n trigger.
• Jou kinders wat altyd naby jou gebly het trek weg of emigreer, die hartseer van iemand wat dood is – die gemis, die trauma van ‘n geweldadige dood in die familie, die verwyt van jouself vir goed wat jy gesê het/nie gesê het nie… Dis GROOT triggers.
• Jy trek ander se probleme so sterk aan (kinders s’n veral) dat dit jou hele lewenskwaliteit beinvloed want jy voel hulpeloos om te help en jy sou so graag wou… Dis ‘n trigger.
• Het jy al sodanig gereageer op ‘n situasie dat jy daarna soveel meer addisionele probleme het agv jou reaksie en so sleg voel daaroor, maar jy kon jouself net nie help nie?… Dis ‘n trigger wat kleintjies kry.
• Is jy omring deur moeilike mense, voel jy jy is dikwels die slagoffer van ander, ongewaardeer?… Dis ‘n trigger.
• Voel jy met tye oorweldig met situasies en omstandighede wat jou absoluut gooi en voel jy jy het geen beheer nie – jy is uitgelewer en magteloos?… Dis ‘n trigger.
• Voel jy nog ontsteld lank na jou dogter nie meer ontsteld is oor dit wat haar gepla het nie?… Dis ‘n trigger.
• Is jy die een na wie ander kom met probleme en jy moet luister, en jyself het nie iemand waar jy veilig voel nie? Kom leer om dit vir jouself te gee.
• Kan jy sien jy doen dieselfde goed oor en oor al wil jy nie, maar jy kan jouself nie help nie?… Dis ‘n trigger.

Gun jou self hierdie naweek saam met ander vroue soos jy om op jou eie tyd, in jou eie spasie, die eenvoud van die metode toe te pas en te oefen met ondersteuning, sodat jy prakties bekend is daarmee na die naweek.